An Geaitín
Nuachtlitir Chomharchumann Ráth Chairn - Lúnasa 2010

www.rathchairn.ie

Cúrsaí Ollscoile
Is féidir leat dul isteach ar shuíomh idirlín www.rathchairn.net agus eolas a fháil faoi chúrsaí dioplóma sa Ghaeilge.
Tá Acadamh na hOllscolaíochta Gaeilge, Gaillimh sásta ranganna dioplóma sa Ghaeilge, a chur ar fáil i Ráth Chairn má bhíonn éileamh orthu. Tá ainmneacha istigh faoi láthair ach tá neart spáis ann fós. Tá an t-eolas ar fáil ar shuíomh idirlíon Ráth Chairn nó seol r-phost chuigrathcairn@eircom.net nó glaoigh ar 046 9432068/9432381. Beidh oíche chlárú ar siúl i nAras Pobail Ráth Chairn ar an Máirt 7 Meán Fómhair ag 7.00in.

Cúrsa Céime
Tá sé fógraithe freisin go mbeidh Acadamh na hOllsoilíochta Gaeilge, Gaillimh breá sásta cúrsa Céime páirtaimsirithe sa Ghaeilge a chur ar fáil i Ráth Chairn ó Mheán Fhómhair 2011. Má tá fonn ort tabhairt faoi seo tá neart ama agat ach ní bheadh dochar ann d’ainm a chur isteach chugainn chomh luath is féidir 046 9432068/9432381.

An Bád
Tá cead faighte ag coiste an bháid, “Banraoin na Bóinne” a cheangal suas san áis atá ag Athlone Yatch Club ar Loch Rí.
Tá fáilte mór acu roimh an mBanraoín agus is fada leo nó go bhfeicfidh siad ag seoladh síos agus suas an loch í i measc na luamhanna.
Tá stair an-fhada ag an gclub seo ar an loch agus iad ag úsáid fuinneamh na gaoth chun seoltóireacht. Ag an am céanna tá Áras breá acu ansin le beár, halla, seomraí cith fholcadh agus sciobáil stórála. Beidh na háiseanna seo ar fad ar fáil do chriú “Bhanraíon na Bóinne” ar chostas réasúnta ach na dindiúirí ceart a chur i gcaoi ó thaobh clárú di.

Géar Ghá na Pacastáine
Beidh ócáid bailiúcháin airgid ar siúl san Áras Pobal i Ráth Chairn ar an Satharn 14 Lúnasa 2010 ag 9.30in ar mhaithe le muintir na Pacastáine atá ag fulaingt faoi láthair ó na tuilte. Ceoltóirí áitiúla. Cúis mhaith.

Fáilte roimh do thacaíocht

Treisiú na nGaeilgeoirí
Ba mhaith linn fáilte a chur roimh leanaí óga a rinne a mbealach isteach ar an saol seo le gairid.
Rugadh Ciarán do Éamonn agus Trish Mhic Dhonncha, Jack do Billy agus Edel Kerrane, Saidhbh do Ryan agus Máirín Uí Cheallacháin agus Gráinne do Larry agus Neasa Uí Mhuircheartaigh. Fad saoil, sláinte mhaith agus neart Gaeilge do na clanna seo ar fad.

Cúrsaí Lae
Beidh na cúrsaí lae do dhaltaí scoile ag críochnú go luath. D’freastal 108 dalta ar an gcúrsa meánscoile ag tús Iúil 80 ar an gcéad chúrsa bunscoile, 60 ar an dara cúrsa agus 25 ar an tríú cúrsa bunscoile.

Mná Tí ag teastáil
Tá mná tí ag teastáil chun scoláirí a thógáil a dhéanann freastal ar Choláiste na bhFiann. Má tá seomra nó dhó le spáráil agus fonn ort tabhairt faoi an bhliain seo chugainn glaoigh orainn san oifig agus cuirfear ar an eolas tú. 046 9432381/9432068 nó Coláiste na bhFiann 01 28 08 091

Geantraí 9 Meán Fómhair 2010
Beidh an clár Geantraí á thaifead anseo i Ráth Chairn ar an 9 Meán Fómhair. Beidh seisiún ann idir 3.30-5.30 agus tá míle fáilte roimh lucht féachanna teacht isteach agus bheith páirteach sa chlár.
Beidh an dara seisiún ann idir 7.30-10.30 agus arís tá míle fáilte roimh lucht féachanna. Mar is ag an am seo a dhéanfar taifeada ar an gcuid is mó den chlár. Tá cuireadh agatsa a bheith i láthair agus spraoi agus taitneamh a bhaint as an ócáid.

Cuairteoirí ó Bhaile Átha Cliath
Beidh grúpa ó cheantar Bhaile Bhlainséir i mBaile Átha Cliath ag teacht ar chuairt ar Ráth Chairn ar an Sathairn 21 Lúnasa. Is dream iad seo atá ag foghlaim Gaeilge agus tá siad ag teacht anseo chun feabhas a chur ar a gcaighdeán cainte. Tá súil acu ranganna dian chúrsa a bheith acu ar maidin agus beagán spóirt a bheith acu sa tráthnóna, chomh maith le fanacht timpeall agus seisiún ceoil a bheith acu san oíche.

Éigse Dharach Uí Chatháin
Na déan dearmad ar na dátaí ar an mbeidh Éigse Dharach Uí Chatháin ar siúl i mbliana sin 8,9,10 Deireadh Fómhair.
Tá súil le hÉigse mhór i mbliana agus go mbeidh cuairteoirí againn as Leeds freisin- cuid de chlann Dharach.
Sa bhliain atá ann agus comóradh 75 bliain bunaithe Ráth Chairn faoi lán t-seoil tá sé tábhachtach go mbeidh Éigse den scoth ar siúl anseo i Ráth Chairn- an áit inar fhás Darach suas tar éis Conamara a fhágáil mar bhuachaill óg.
Beidh fáilte roimh bhur dtacaíocht ann.

Cúrsaí Gaeilge agus Cultúir
Beidh réimse leathan cúrsaí agus ranganna Gaeilge á gcur ar fáil i Ráth Chairn ó Mheán Fhómhair ar aghaidh.
Beidh na gnáth ranganna ar fáil gach oíche Dé Luain ó Mheán Fómhair ag tosaigh le clárú ar an 20 Meán Fómhair 8in.
Cuirfear ranganna ar fáil freisin do mhuintir na h-áite ar mian leo Gaeilge a fhoghlaim. Is mar pháirt de Phleanáil Teanga an Chomharchumainn a reáchtálfar na ranganna seo.Ó lár Mheán Fhómhair ar aghaidh beidh cúrsaí Lár Seachtaine agus Deireadh Seachtaine ar fáil do dhaltaí meánscoile.
Ar mhaithe le breis eolais féach ar www.rathchairn.net nó glaoigh ar 046 9432068/9432381.

Picnic Ráth Chairn
Reáchtaladh Picnic Ráth Chairn ar an Satharn 24 Iúil. Bhí an lá seo dírithe ar an gclann agus an oíche ar an óige.
Cé go raibh grúpaí mór le rá ar nós Kila, Liam Ó Maonlaigh agus Bréag ar an ardán níor tháinig na sluaite móra a raibh súil leo. Ba mhór an feall é seo mar go raibh togha an cheoil agus an chraic ar siúl agus dá mbeadh dhá chead duine eile ann go gcuirfidh sé go mór leis an ócáid. Má tá aon tuairimí agaibh faoi a leithid d’ócáid ba bhreá linn iad a chloisteáil go pearsanta. Tá buíochas faoi leith ag dul do na daoine a d’oibrigh go dian agus dóibh siúd a d’oibrigh go deonach ar son
na h-ócaide.
Go raibh míle maith agaibh ar fad.

Ionad Cúram Leanaí Ráth Chairn
Tá an t-Ionad Cúram Leanaí ag teacht ar aghaidh go maith faoi láthair. Is co-fhiontar é seo idir Coiste Oibre an tSeanbhaile agus Comharchumann Ráth Chairn. Beidh spás ann do 16 páiste agus na seisiúin roimh lón nó tar éis lón, 20 páiste tar éis scoile, nó roimh scoile, 3 páistí óga agus 3 pháiste beagán níos sine.
Fógraíodh post bainisteora don Ionad agus beidh na h-agallaimh ann go luath don phost seo. Tá an tógálaí beagán chun tosaigh leis an obair faoi láthair agus níl fáth ar bith nach mbeidh an t-ionad a oscáilt ag tús 2011.

Crannchur Mór
Tháinig deireadh réidh fada ar an Aoine 30 Iúil nuair a reáchtáladh an crannchur mór deireadh a bhíodh ar bun ag Club Ráth Chairn. Cuireadh tús leis i 1985 chun fiacha an t-séipéil a ghlanadh. Idir seo agus sin déinéadh go leor oibre ar an Áras Pobail, Club agus áiseanna eile ach de bharr go bhfuil sé an deachair ticéid a dhíol san aeráid eacnamaíochta atá ann faoi láthair cuireadh deireadh leis.

Binsí Picnic le Díol.
Tá binsí picnic le díol ag Comharchumann Ráth Chairn faoi láthair. Binsí maithe iad seo atá déanta go háitiúil.
Costas €120.00 an ceann. Glaoigh orainn 046 9432381/9432068.